Aýǵanstanda laı kóshkininen 200 úı jer astynda qaldy
ASTANA. QazAqparat - Aýǵanstannyń soltústik-shyǵysyndaǵy Badahshan provıntsııasynda laı kóshkini saldarynan kishigirim eldi-meken túgelimen jer astyna túsip ketti, dep habarlaıdy BBC.
Shamamen 200-deı úı jerdiń astynda qaldy. Jergilikti bılik 250-deı adam tilsiz jaýdyń qurbanyna aınalýy múmkin dep dabyl qaǵýda. Qaza bolǵandar men jaraqat alǵandardyń sany ázirge belgisiz. Atalǵan óńirde sý tasqyny jıi bolyp turady, ári onyń zardaby da az emes. Aıtalyq Sarı-Pýl, Farıab jáne Djaýzdjan provıntsııalarynda bolǵan sońǵy sý tasqynynan, laı kóshkininen 100-den asa adam qaza bolyp, júzdegen otbasy óz úılerin tastap ketýge májbúr boldy.
