Aýǵanstanda lańkester qatarynda júrgen biren-saran ǵana qazaqstandyq bar - Elshi

ASTANA. QazAqparat - Qazaqstannyń Aýǵanstan Islam RespýblıkasyndaǵyTótenshe jáne Ókiletti Elshisi Ómirtaı Bitimov Aýǵanstanda lańkester qatarynda soǵysyp júrgen qazaqstandyqtar kóp emes ekenin aıtty.

«Onda biren-saran ǵana adam bar. Negizinen olar jastar. Basqa eldermen salystyrǵanda Qazaqstannan shyqqandar aıtyrlyqtaı az»,-dedi Elshi.

Onyń sózine qaraǵanda, Qazaqstannan atalǵan elge azamattardyń soǵysýǵa barmaýynyń negizgi sebebi elimiz tarapynan qoıylǵan tosqaýyldan emes, atap aıtqanda, memleketimizdegi tártiptiń jáne ómir súrý jaǵdaıynyń ózge elderge qaraǵanda jaqsy bolǵanynan qalyptasyp otyr.

«Ókinishke qaraı, adasyp barǵan jeke adamdar bar. Olar elge oralyp, Aýǵanstanǵa barǵany úshin ókinishin bildirýde»,-dedi Ó. Bitimov.

Dıplomattyń atap ótýinshe, aýǵan úkimetiniń statıstıkasy da bundaı adamdardy ulty boıynsha ajyratpaıdy, sondyqtan da bul turǵyda túsinbestik bolýy yqtımal.