Aýǵanstanda Qyzyl Krest uıymy jumysyn ýaqytsha toqtatty
ASTANA. QazAqparat - Aýǵanstanda sodyrlardyń shabýylynan Halyqaralyq Qyzyl Krest komıtetiniń 6 qyzmetkeri qaza tapty. Ázirge uıym Aýǵanstandaǵy jumysyn ýaqytsha toqtatty, dep habarlaıdy Gazeta.ru Reuters agenttigine silteme jasap.
Bul týraly uıymnyń jedel qyzmet boıynsha dırektory Domınık Shtılhart baıandaǵan.
Onyń aıtýynsha, eń aldymen bolǵan oqıǵanyń sebepterin anyqtaý qajet.
Buǵan deıin Aýǵanstannyń soltústigindegi Djaýzgan provıntsııasynda Halyqaralyq Qyzyl Krest komıtetiniń 6 qyzmetkeriniń ajal qushqany habarlanǵan edi.
Uıymnyń baspasóz hatshysy Tomas Glass bul aqparatty rastady jáne taǵy eki qyzmetkerdiń iz-túzsiz joǵalyp ketkenin aıtty.
