Aýǵanstanda qaýipsizdik qyzmetkerleri otyrǵan patrýldik fýrgon jaryldy
NUR-SULTAN. QazAqparat – Aýǵanstannyń Kýnar provıntsııasynda jarylys bolyp qaýipsizdik qyzmetiniń bir qyzmetkeri kóz jumdy. Budan bólek taǵy 6 adam jaraqat aldy, dep habarlaıdy QazAqparat Sınhýa agenttigine silteme jasap.
Provıntsııanyń polıtsııasy Abdýl Hak Hakkanıniń aıtýynsha, jarylys jeksenbi kúni jergilik ýaqytpen saǵat 08:30 shamasynda bolǵan. Jarylys Gazıabad okrýgi qaýipsizdik qyzmetiniń ókilderi otyrǵan patrýldik fýrgonǵa jasalǵan.
Oqıǵadan bir qaýipsizdik qyzmetkeri kóz jumyp, taǵy altaýy jaraqat alǵan. Jaraqat alǵan alty adamnyń úsheýi beıbit turǵyndar.
