Aýǵanstanda qar kóshkininen qaza bolǵandardy eske alý úshin qaraly kúnder jarııalandy
ASTANA. QazAqparat - Aýǵanstannyń bılik kózderi 28 aqpannan bastap elde qar kóshkininen qaza bolǵandardy eske alý úshin úsh kúndik aza tutýdy jarııalady, dep habarlaıdy Twitter áleýmettik jelisinde TOLO-News aqparattyq agenttiginen.
Qazirgi ýaqytta aımaqta izdestirý-qutqarý is-qımyldary jalǵastyrylýda.
Esterińizge sala keteıik, tabıǵı apat Parıan, Hısa-Dovam, Abdýllahel bıik taýly ýezderi men Pandjsher provıntsııasynyń ákimshilik ortalyǵy bolyp tabylatyn Bazarak qalasyn qamtyǵan. Bul óńirde bolatyn qys qardyń kóp túsýimen, qatańdyǵymen erekshelenedi. Qar kóshkini kóptegen turǵyn úıler men ınfraqurylym nysandaryn basyp qalǵan.
Sońǵy málimetter boıynsha, kem degende 260 adam qar kóshkini qurbandaryna aınaldy, sonyń ishinde áıelder men balalar bar. Soltústik-shyǵystaǵy provıntsııalardyń taǵy 27 turǵyny jaraqattar aldy.
