Aýǵanstanda qar kóshkini saldarynan 64 adam qaza bolyp, 400 adam jaralandy
ASTANA. Aqpannyń 10-y. QazAqparat - Naqtylanǵan málimetter boıynsha, Aýǵanstanda qar kóshkini saldarynan 64 adam qaza bolyp, 400 adam jaralandy. Jergilikti ókimet osyndaı málimdeme jasap otyr,
dep habarlaıdy Associated Press agenttigi. Oǵan qosa, qutqarýshylardyń málimetteri boıynsha, qazirgi ýaqytta qaza bolǵandardyń tek 24-iniń ǵana tulǵasy anyqtaldy, apattyń qalǵan 40 qurbanynyń tulǵalary ázirge anyqtalmaı otyr.
Arnaıy operatsııa barysynda qutqarýshylar, jaralanǵandardy qosa eseptegende, barlyǵy 2,5 myńnan astam adamdy qutqara alǵan. Sondaı-aq, qar úıindileriniń astynda qalyp qoıǵandardy izdeý sharalaryna býldozerler men tikushaqtar jumyldyrylyp otyrǵandyǵy habarlanýda.
Esterińizge sala keteıik, qalyń jaýǵan qardyń saldarynan el ortalyǵy Kabýl men soltústiktegi Mazarı-Sharıf qalasyn baılanystyrýshy Salang taý jolynda aqpannyń 8-inde qar kóshkini tirkelgen bolatyn. Apat aımaǵynda izdeý-qutqarý jumystary áli jalǵasýda.
