Aýǵanstanda qalyń qar túsýinen 16 adam qazaǵa ushyrady
ASTANA. 16 qańtar. QazAqparat - Aýǵanstannyń soltústik-shyǵysynda qutqarýshylar shalǵaıdaǵy taýly aýyldy basyp qalǵan qar kóshkiniinen ondaǵan úıdi qardan arshýǵa tyrysýda. Imkashım kentinde bolǵan oqıǵanyń saldarynan qansha adam qurban bolǵany belgisiz, dep habarlady Bı-Bı-Sı.
Ótken aptada Badahshan provıntsııasynda qalyńdyǵy úsh metrge deıin qar jaýdy. Ókimet oryndary aýa raıynyń qolaısyz jaǵdaıy saldarynan Tájikstanmen jáne Qytaımen shekaralas ornalasqan aımaqta keminde 16 adamnyń qazaǵa ushyraǵanyn habarlady.
Jergilikti bılik oryndary azyq-túlikpen, kıimmen jáne dári-dármekpen qamtýdy, sondaı-aq qar basyp qalǵan joldardy arshý úshin býldozerler bólýdi suraýda.
