Aýǵanstanda Kabýldyń qaýipsizdigin qamtamasyz etetin jańa jospar quryldy
ASTANA. QazAqparat - Aýǵanstannyń Іshki ister mınıstrligi el astanasy Kabýldyń qaýipsizdigin qamtamasyz etýge baǵyttalǵan sharalardy kúsheıtýdi kózdeıtin jospardy aıaqtady. Bul týraly jeksenbi kúni Islam Respýblıkasynyń ІІM-niń baspasóz hatshysynyń orynbasary Nýsrat Rahımı málim etti, dep habarlaıdy TASS aýǵandyq Tolo News telearnasyna silteme jasap.
«Kabýldegi qaýipsizdikti qamtamasyz etýge baǵyttalǵan keshendi jospar daıarlandy jáne el prezıdentimen kelisildi»,-dedi ol.
«Jańa jospar el astanasyndaǵy qaýipsizdiktiń barlyq aspektilerin qamtıdy.
Tolo News arnasynyń habarlaýynsha, qujatta sońǵy ret jasalǵan shaýyl kezindegi málim bolǵan qaladaǵy qaýipsizdikti qamtamasyz etýdiń álsiz jaqtaryna erekshe kóńil bólingen.
«Qaýipsizdik kúshteri bolashaqta bolýy múmkin qaqtyǵystarǵa qarsy turý úshin qajetti sharalardy daıyndaýǵa bar tájirıbelerin paıdalandy», dep túsindirdi telearnaǵa ishki qaýipsizdik máselesi boıynsha parlamenttik komıssııanyń basshysy Mırdad Nıdjrabı.
