Aýǵanstanda gýmanıtarlyq kómekti taratý kezinde jeti adam qaza tapty
NUR-SULTAN. QazAqparat - Aýǵanstandaǵy Gor provıntsııasynda qarsylyq bildirý aktsııasy kezinde tórt narazylyq bildirýshi, eki polıtsııa qyzmetkeri jáne bir jýrnalıst mert boldy, dep habarlaıdy QazAqparat TOLOnews telearnasyna silteme jasap.
Qaqtyǵysqa adamdardyń azyq-túlikti taratý kezindegi ádiletsizdikke narazylyq bildirýi sebep bolǵan.
Telearnanyń aqparatynsha, 10 polıtseı jáne kem degende toǵyz adam zardap shekken.
Reuters agenttiginiń derekteri boıynsha, shamamen 300 adam narazylyq aktsııasyn uıymdastyrǵan. Olardyń keıbiri gýbernatordyń rezıdentsııasyna kirýge áreket jasaǵan. Aktsııaǵa qatysýshylar oq jaýdyrǵan, olarǵa polıtsııa da oq atýǵa májbúr bolǵan.
Koronavırýs pandemııasyna baılanysty Aýǵanstanda muqtaj jandarǵa azyq-túlik taratylyp jatyr. Aýǵanstannyń birinshi vıtse-prezıdenti Amrýlla Salehtiń málimdeýinshe azyq-túlik taratý tiziminen eshkim alynyp tastalmaıdy, bılik oryndary koronavırýs saldarynan shyǵynǵa ushyraǵandardyń bárine de qoldaý kórsetetiletindigine sendirip otyr.
