Aýǵanstanda ǵalamshardyń eń qart áıeli kóz jumdy

Bul týraly sheteldik BAQ habarlaıdy. Vardak aýǵan eldi mekeni gýbernatorynyń baspasóz hatshysy ári atalmysh áıeldiń nemeresi Shahıdýlla Shahedtiń sózine qaraǵanda, keıýana senbi kúni Nangarhar provıntsııasy Pachırgam ýeziniń Landaheıl aýylynda jerlendi.

Baspasóz hatshynyń málimetterine qaraǵanda, «Hasano ıslam dinin tanýǵa jáne onyń qaǵıdattaryn ustanýǵa bar ómirin arnaǵan. Ol ómiriniń sońǵy jyldarynda jasyna qaramastan 5 ýaqyt namaz oqyp otyrdy», - dedi ol.

Aıta keteıik, buǵan deıin eń uzaq jasaýshy rekordyn 1997 jyly 122 jasynda baqılyq bolǵan frantsýzdyq áıel Janna Kelman ornatqan bolatyn.