Aýǵanstanda demonstratsııalarǵa tolyq tyıym salyndy
ASTANA.KAZINFORM - «Talıban» qozǵalysy jańa polıtsııa zańyna sáıkes Aýǵanstandaǵy barlyq demonstratsııaǵa resmı túrde tyıym saldy.
Jańa zań barlyq demonstratsııalarǵa resmı túrde tyıym sala otyryp, beıbit qoǵamdyq narazylyq aktsııalarynyń quqyqtyq negizin joıady jáne qaýipsizdik kúshterine toptyń erejelerine qaıshy keletin jıyndardyń aldyn alý úshin keń ókilettikter beredi.
Sonymen qatar 53 baptan turatyn qujatta Talıban bıligi polıtsııanyń ornyna «shýrta» dep ataıtyn qurylym ókilettigi keńeıtilgen.
Jańa zań sonymen qatar Aýǵanstan bıligi «kóterilis» nemese qarýly qylmys dep anyqtaǵan jaǵdaıda qarý qoldanýǵa múmkindik beredi.
Sonymen qatar zań kúdiktilerdi shaqyrý, tutqyndaý jáne ustaý rásimderin retteıdi. Jańa zańǵa sáıkes, polıtsııa qylmysty tergeý úshin adamdy 10 kúnge deıin ustaı alady, al odan ári uzartý úshin sottyń maquldaýy qajet.
Zańda ustalǵandarǵa qatysty shekteýler naqty kórsetilgen. Polıtsııa qyzmetkerlerine kúdiktiler men tutqyndardy taıaqpen, kabelmen uryp-soǵýǵa nemese sot sheshiminsiz azaptaýǵa tyıym salynady.
Alaıda adam quqyqtary jónindegi uıym men BAQ sońǵy bes jylda Talıban kúshteriniń tutqyndardy azaptaýy men olarǵa qatygezdikpen qaraýy týraly birneshe ret habarlady.
Buǵan deıin tálipter Aýǵanstan bıligine qaıta kelýiniń besjyldyǵyn atap ótken bolatyn.
