Aýǵanstanda birneshe telearnaǵa shekteý qoıyldy

ASTANA. KAZINFORM — Aýǵanstanda ınternet pen telekommýnıkatsııa qyzmetterine shekteýler engizilgennen keıin telearnalardyń kópshiligi jabyldy, dep habarlaıdy Afghanistan International. 

TOLO, Lemar, TOLOnews, Shamshad, Tamadon jáne basqa da birqatar telearna osyǵan deıin jelide kórsetilgen baǵdarlamalaryn efırden alyp tastady. Tek Talıbannyń baqylaýyndaǵy Radio Televison Afghanistan (RTA), Maarif jáne RTA Sport onlaın habar taratady.

Eldegi ınternettiń jabylýy Moby Group-qa tıesili TOLOnews, TOLO, Lemar, Arman jáne Arakoziya telearnalarynyń qyzmetine qatty áser etti. Internet pen telekommýnıkatsııa qyzmetterin toqtatý týraly sheshimdi Talıban baqylaıtyn Aýǵanstannyń telekommýnıkatsııalardy retteý agenttigi men Baılanys jáne aqparattyq tehnologııalar mınıstrligi qabyldady. Derekkózderdiń habarlaýynsha, Roshan, Etisalat, Afghan Wireless jáne Afghan Telecom sııaqty iri provaıderlerge barlyq talshyqty-optıkalyq jelilerdi toqtatýǵa buıryq berilgen.

Tehnıkalyq sarapshylardyń aıtýynsha, talshyqty-optıkalyq jeliniń toqtaýy búkil el boıynsha telekommýnıkatsııalyq munaralardyń jumysyn toqtatyp, Aýǵanstandy jahandyq baılanystan tolyqtaı ajyratty. Keıbir aqparat kózderi shekteýli qyzmetterdiń keıinirek qalpyna keltirilýi múmkin ekenin aıtady. Biraq joǵary jyldamdyqty ınternet pen talshyqty-optıkalyq baılanys Talıban jetekshileriniń buıryǵymen tolyǵymen úzildi.

Eske sala keteıik, Aýǵanstanda ınternet tolyq óshirildi.