Aýǵanstanda bosqyndarǵa kómek kórsetý úshin 1,23 mln dollar bólinedi

ASTANA. KAZINFORM – Aýǵanstannyń bosqyndar jáne repatrıatsııa isteri jónindegi mınıstrligi dúısenbi kúni keshke jetekshi otandyq jáne halyqaralyq gýmanıtarlyq uıymdarmen tórt ózara túsinistik týraly memorandýmǵa qol qoıylǵanyn málimdedi, dep habarlaıdy Sınhýa. 

Kelisimderge sáıkes, ártúrli provıntsııalarda elge oralǵan bosqyndar men ishki qonys aýdarǵan otbasylardy qoldaýǵa 1,23 mıllıon AQSh dollarynan astam qarajat bólinedi. Mınıstrliktiń málimdemesinde atap ótilgendeı, kómek Kabýl, Kýnar, Gılmend, Zabýl, Nımroz, Badgıs, Farah jáne Gerat provıntsııalaryndaǵy 10 749-dan astam otbasy men 110 812 adamdy qamtıdy.

Qarajat bosqyndarǵa kómek kórsetý ortalyqtaryn salýǵa, qarjy bólýge, qysqy daıyndyqqa arnalǵan jıyntyqtar men as úı jabdyqtaryn taratýǵa, bilim berý baǵdarlamalaryna, halyqty aqparattandyrý naýqandaryna jáne áleýmettik-psıhologııalyq kómek kórsetýge jumsalady.

Bul bastama Aýǵanstan úkimetiniń kórshiles elderden qaıtyp kelý úderisi aıasynda ekonomıkalyq qıyndyqtardy eńserý jáne jumys oryndaryn qurý úshin jergilikti jáne halyqaralyq seriktester tarapynan ınvestıtsııalardy arttyrýǵa degen umtylysyn kórsetedi.

Aıta ketelik Aýǵanstanda joıqyn jer silkinisi 800-den asa adamnyń ómirin qıǵan edi.