Aýǵanstanda bir kúnde jeti amerıkandyq sarbaz qaza tapty
ASTANA. 5 mamyr. QazAqparat - Senbide Aýǵanstandaǵy amerıkalyq jeti sarbaz mert boldy. Bul týraly VVS habarlady.
Aýǵan bıliginiń málimetine qaraǵanda, atalǵan sarbazdardyń beseýi eldiń ońtústiginde ajal qushqan. Atap aıtqanda, olardyń brondy kóligi Qandaǵardaǵy jolda jarylǵysh qurylǵyǵa tap boldy.
Al kelesi oqıǵa memlekettiń batysyndaǵy Farah provıntsııasynda oryn aldy. Aýǵanstan sarbazy halyqaralyq ásker quramyndaǵy eki amerıkalyq jaýyngerdi atyp óltirgen.
Budan buryn osy aptada Gılmend provıntsııasynda jol jıegindegi jarylystyń saldarynan úsh brıtandyq ásker qaza tapqan edi.
