Aýǵanstanda beıbit halyqty opat qylǵan AQSh serjanty ómir boıy abaqtyda otyrý jazasyna kesildi
ASTANA. 25 tamyz. QazAqparat - Qandaǵarda Aýǵanstannyń 16 beıbit turǵynynyń ólimine aıypty dep tanylǵan AQSh áskeriniń serjanty Robert Beıls merziminen buryn shartty bosaý quqyǵynsyz ómir boıy abaqtyda otyrý jazasyna kesildi.
Bul oqıǵa 2012 jyldyń 11 naýryzynda onyń Aýǵanstanǵa tórtinshi issapary kezinde oryn alǵan edi. Qurban bolǵandardyń basym bóligi - áıelder men balalar.
Beısenbi kúni bolǵan sotta Beıls atalǵan kisi óltirý áreketine keshirim surap, osy isin júreksizdik dep atady.
VVS-diń jazýynsha, onyń qorǵaýshylary serjant posttravmatıkalyq kúızeliste boldy dep aıtýda.
Budan buryn Beıls prokýrorlar suraǵan ólim jazasyn ómir boıy abaqtyda otyrý jazasyna aýystyrǵan jaǵdaıda óziniń kinásin moıyndaıtynyna kelisken edi.
