Aýǵanstanda ázerbaıjandyq ushaq qulady

BAKÝ. QazAqparat - Aýǵanstandyq Gılmend provıntsııasynda ázerbaıjandyq «Silk Way» áýe kompanııasynyń AN-12 júk ushaǵy qulady. Bul týraly Ázerbaıjan azamattyq avıatsııanyń memlekettik ákimshiliginiń habarlamasynda aıtyldy.

«Keshe Baký ýaqytymen saǵat 18.30 shamasynda Dvaıer áýejaıynan ushyp shyqqan júk ushaǵy avıatsııalyq oqıǵaǵa ushyrady», delingen habarlamada.

Jalǵa alynǵan ushaqty ınternatsıonaldy ekıpaj basqardy. Onyń quramynda Ózbekstan azamaty (kapıtan), Ýkraınanyń úsh azamaty jáne Ázerbaıjannyń bes azamaty bar.

Ázerbaıjan Azamattyq avıatsııasy memlekettik ákimshiligi oqıǵany tergeý boıynsha komıssııa qurdy. Qazir, 19 mamyrda komıssııa músheleri oqıǵa ornyna shyǵyp, onyń sebebin bilý úshin Aýǵanstan Avıatsııa basshylyǵymen kelissózder júrgizýde.

Aldyn ala boljam boıynsha, An-12 júk ushaǵy ekıpajynyń 7 múshesi qaza tapty. Ekıpaj músheleriniń týystary aıtqandaı, eki adam aman qalýy múmkin. Aldyn ala alynǵan málimet boıynsha, ýkraınalyqtar aýyr jaraqatpen aýrýhanaǵa jetkizilgen.

Eske sala keteıik, bul Aýǵanstanda qulaǵan ekinshi ázerbaıjandyq ushaq.