Aýǵanstanda áıeldi mert qylǵan 49 er adamnyń ústinen sot isi qaralýda
ASTANA. QazAqparat - Aýǵanstanda áıeldi mert qylǵan 49 er adamnyń ústinen sot isi qaralýda, dep habarlady www.24.kz.
Qylmystyq is Quran kitapty órtedi degen aıyppen soqqyǵa jyǵylǵan kelinshekke baılanysty qozǵalǵan. Olar Farhýnda esimdi áıelge ótirik jala jaýyp, uryp-soǵyp óltirip, denesin órtep jibergenge uqsaıdy. Álem halqynyń jaǵasyn ustatqan oqıǵa naýryz aıynyń sońynda Aýǵanstan astanasynda bolǵan edi. Sot aldynda jaýap berip jatqan adamdardyń arasynda 19 polıtsııa qyzmetkeri de bar.
«Bir top adam álgi kelinshekti uryp-soǵyp jatyr eken. Sosyn men de qarap turmaı, qolyma tas aldym da basynan qoıyp qaldym. Qazir sol áreketim úshin ókinemin», - deıdi aıyptalýshynyń biri ıAkýb Han.
