Aýǵanstanda avtobýs saıǵa qulap, 15 adam zardap shekti

ASTANA. KAZINFORM — Aýǵanstannyń shyǵysyndaǵy Kapısa provıntsııasynda shaǵyn avtobýs saıǵa qulap, 15 jolaýshy zardap shekti, keıbiriniń jaǵdaıy aýyr, dep habarlaıdy Sınhýa. 

Provıntsııa polıtsııasynyń ókili Abdýl Fattah Faızdyń aıtýynsha, jol apaty Alasaı aýdanynda bolǵan. Júrgizýshi kólik tizginin basqara almaı qalǵan. Zardap shekken jolaýshylar jaqyn mańdaǵy aýrýhanaǵa jetkizildi.

Buǵan deıin Aýǵanstannyń ortalyǵyndaǵy Daıkýndı jáne eldiń soltústigindegi Balh provıntsııasynda iri jol apaty oryn alǵan bolatyn. Onda bir adam qaza taýyp, taǵy 10 adam jaraqat aldy. 

Aıta keteıik, Irannyń ońtústiginde avtobýs apatynan 20-dan astam adam zardap shekti.