Aýǵanstanda áýe shabýyly saldarynan 9 beıbit turǵyn opat boldy
ASTANA. QazAqparat - Aýǵanstannyń batysynda áýe shabýyly saldarynan 9 beıbit turǵyn opat bolyp, taǵy 20-sy túrli dárejede jaraqat aldy. Eń soraqysy, marqumdardyń barlyǵy - beıkúná balalar, dep habarlaıdy «Habar 24».
Al japa shekkender arasynda áıelder bar. Kóbisiniń hali múshkil. Shabýyldy naqty kimniń uıymdastyrǵany ázirge belgisiz. Negizi, qaıǵyly oqıǵa bolǵan Farah provıntsııasynda «Talıban» qozǵalysyna qarsy áskerı operatsııa júrip jatqan.
Sodyrlar kúshtik qurylym ókilderinen qorǵaný úshin beıbit turǵyndardy qalqan retinde paıdalanǵan. Aıta ketken jón, buǵan deıin Aýǵanstandaǵy aýyldardyń birazyn basyp alǵan tálipter sońǵy ýaqytta iri qalalarǵa da aýyz sala bastady. Onyń ústine elde búkil álemge qaýip tóndirgen «Irak pen Levant lańkestik tobynyń» yqpaly kúsheıgen.
