Aýǵanstanda aýa raıynyń qolaısyzdyǵynan 17 adam qaza tapty
ASTANA.KAZINFORM - Aýǵanstandaǵy sý tasqyny, kóshkin jáne nóser jaýyn saldarynan sońǵy 24 saǵat ishinde 17 adam qaza taýyp, 26 adam jaraqat aldy.
Aýǵanstannyń Ulttyq apattardy basqarý basqarmasynyń málimeti boıynsha, aýmaqtar zerttelgen saıyn qurbandar sany artýy múmkin. Associated Press agenttiginiń habarlaýynsha, eldiń batys, ortalyq jáne soltústik-batysyndaǵy 34 provıntsııasynyń on úshi zardap shekti.
Nátıjesinde 147 úı, 80 shaqyrym jol qırap, egistik jerler, sýarý júıeleri jáne bıznes nysandary búlindi. Barlyǵy 530 otbasy zardap shekti.
Basqarmanyń baspasóz hatshysy ıÝsýf Hammad dúısenbi, 30 naýryzda taǵy da jańbyr jaýýy múmkin ekenin eskertti. Bul shyǵys jáne ortalyq aımaqtarda sý tasqynyna ákelýi múmkin.
Turǵyndarǵa ózender men qaýipti aımaqtardan aýlaq bolýǵa keńes berildi.
Buǵan deıin Gavaııdegi joıqyn sý tasqyny el ekonomıkasyna 1 mıllıard dollar shyǵyn ákelgeni habarlanǵan bolatyn.
Sondaı-aq sarapshylar ekvatorlyq Tynyq muhıtyndaǵy jerústi sýlarynyń jylynýyna ákeletin El-Nıno týraly aıtty.
