Aýǵanstanda áskerı bazaǵa jasalǵan shabýyl kezinde 70 adam qaza tapty
ASTANA. QazAqparat - Talıban qozǵalysynyń sodyrlary Aýǵanstannyń soltústigindegi Mazarı-Sharıf qalasy mańyndaǵy áskerı bazaǵa shabýyl jasap, 70 qyzmetkerdi óltirdi, dep habarlaıdy Bı-Bı-Sı agenttigi.
Aýǵanstan úkimetiniń habarlaýynsha, áskerı bazaǵa qarýly shabýyl jasaý kezinde sodyrlar úkimet áskeriniń kıimin kıip alǵan.
Eldiń Qarýly kúshteri ókiliniń aıtýynsha, shabýyl áskerıler nysan aýmaǵyndaǵy meshitten juma namazynan shyǵyp kele jatqanda jasalǵan. Sodyrlar ashanadaǵy sarbazdardy da atyp ketken.
Tálipter syrtqy qorshaýdy buzý úshin jarylǵysh baılanǵan jankeshtini paıdalanyp bazaǵa engen. Qarýly qaqtyǵys kún boıy jalǵasqan, áskerıler qurban bolǵandardyń sany áli de artýy múmkin ekendigin joqqa shyǵarmaıdy.
Tálipter jaǵynan keminde on adam qaza tapqan
