Aýǵanstanda amerıkandyq tikushaq qulady
ASTANA. 17 naýryz. QazAqparat - Aýǵanstandaǵy Qandaǵardyń shyǵys jaǵynda birneshe shaqyrym jerde amerıkandyq tikushaq apatqa ushyrady. Bunyń nátıjesinde, halyqaralyq koalıtsııanyń bir múshesi qaza bolyp, taǵy bireýi jaraqat aldy, dep habarlaıdy Reuters NATO ókiline silteme jasap.
Koalıtsııa baspasóz hatshysy, kapıtan Lýka Karnıeldiń aıtýynsha, tikushaq qulaǵan aýdanda qarsylas jaq belsendilik tanytpaǵan kórinedi. Apattyń sebebi belgisiz jáne tergeý amaldary júrgizilip jatyr. Zardap shekkenderdiń ulty men tikushaqtyń túri anyqtalýda.
Aıta keteıik, osymen bir aptanyń ishinde Aýǵanstanda amerıkandyqtardyń ekinshi áýe apaty oryn alyp otyr. Bıylǵy 11 naýryzda Qandaǵar túbindegi apattan 5 amerıkandyq áskerı qyzmetshiler qaza bolǵan edi.
