Aýǵanstanda altyn óndirýshilerdi qar kóshkini basyp qaldy

ASTANA. KAZINFORM – Aýǵanstannyń Badahshan provıntsııasynda qar kóshkini saldarynan eki adam qaza taýyp, taǵy alty adam jaraqat aldy. Bul týraly Sınhýa agenttigi jazdy.

Aýǵanstanda altyn óndirýshilerdi qar kóshkini basyp qaldy
Foto: pexels.com

Qaıǵyly oqıǵa eldiń soltústigindegi Argandjhva aýdanynda bolǵan. Qar kóshkini altyn óndirýmen aınalysyp jatqan jumysshylar toby júrgen taý bókterine qulaǵan.

Provıntsııa polıtsııasynyń ókili Ehsanýlla Kamgardyń aıtýynsha, jergilikti bılik zardap shekkenderdi tikushaqpen evakýatsııalaýdy uıymdastyrǵan.

Qaza tapqandardyń máıitteri men jaralanǵan alty adam provıntsııanyń ákimshilik ortalyǵy Faızabad qalasyndaǵy aýrýhanaǵa jetkizildi.

Eske sala keteıik, buǵan deıin Gımalaıda qar kóshkini týrıster tobyn basyp qalǵanyn habarladyq.

Sondaı-aq qyrkúıek aıynda Kabardın-Balqarııadaǵy qar kóshkininen qaza tapqan alpınıster sany 15-ke jetkenin jazdyq.