Aýǵanstanda 5,8 baldyq jer silkinisi boldy
ASTANA. KAZINFORM — Aýǵanstan aýmaǵynda 1 qazan kúni tańerteń 5,8 baldyq jer silkinisi tirkeldi, dep habarlaıdy Qazaqstannyń Ulttyq derekter ortalyǵynyń baspasóz qyzmeti.
QR UıAO Derekter ortalyǵynyń jedel málimetine sáıkes, jer silkinisi Astana ýaqytymen saǵat 06:29–da (Grınvıch ýaqytymen 01:29–da) bolǵan.
Onyń epıtsentri 36,46° soltústik endik pen 68,51° shyǵys boılyqta ornalasqan. Jer silkinisi 18 shaqyrym tereńdikte tirkelip, energetıkalyq klasy K=13,2, magnıtýdasy 5,8 dep baǵalandy.
Eske salaıyq, 28 qyrkúıek kúni saǵat 09:38–de jer silkinisi tirkelgen bolatyn. QR TJM «SBZUǴO» JShS málimetinshe, zilzalanyń epıtsentri Almaty qalasynan 8 shaqyrym ońtústik-batysqa qaraı ornalasqan. Sol kúni Almaty oblysynda taǵy bir jer silkinisi tirkeldi. Bul — 28 qyrkúıekte bolǵan ekinshi jer silkinisi.
Sonymen qatar Almatylyqtar qatty jer silkinisi kezinde qaıda jınalýy kerek ekenin habarlaǵan edik.
