Aýǵanstanda 500-den astam mýzykalyq aspapty órtep jiberdi

ASTANA. KAZINFORM — Aýǵanstanda Іzgilikti nasıhattaý jáne jamandyqtan tyıý mınıstrliginiń qyzmetkerleri 500-den astam mýzykalyq aspaptyń kózin joıdy, dep habarlaıdy AZERTADJ.

Bılik ókilderiniń málimetinshe, «moraldy buzatyn quraldar» Parvan provıntsııasynyń turǵyndarynan tárkilengen.

Mınıstrlik departamenti 500-den astam mýzykalyq aspap pen «soǵan uqsas zattardyń» joıylǵanyn málimdedi.

Óz kezeginde departament basshysy Makbýl Ahmad Vakas bul zattardyń barlyǵy jergilikti turǵyndar tarapynan «bı men merekelik sharalarda» qoldanylǵanyn aıtty.

Pajhwok agenttiginiń deregine sáıkes, olar sońǵy bir jyl ishinde Charıkar qalasy men provıntsııa aýdandarynda jınalǵan.

Bul aktsııa «jamandyqpen kúres jónindegi úzdiksiz sharalardyń» bir bóligi ekeni atap ótildi.

Osydan buryn Aýǵanstannyń Gerat provıntsııasyndaǵy Talıban ákimshiligi áıelderge qatysty qatań kıim kııý erejelerin qaıta engizip, barlyq áıel muǵalimdi paranja kııýge mindettedi jáne onsyz taksı qyzmetin paıdalanýǵa tyıym saldy.