Aýǵanstanda 50-den astam adam jol-kólik apatynyń saldarynan tirideı janyp ketti
ASTANA. 14 qyrkúıek. QazAqparat - Aýǵanstanda kólik pen benzovozdyń soqtyǵysýynan 51 adam qaza tapty. 6 adam aman qaldy - olar aýyr dene kúıiginiń jaraqattarymen aýrýhanaǵa jetkizildi.
Jol-kólik apaty Gaznıdiń shyǵys shet aımaǵynda oryn aldy, dep habarlady RBK jergilikti Khaama Press basylymyna silteme jasaı otyryp.
Adamdardyń basym deni órt kezinde kóz jumdy. Aıta keteıik, órt janar-jaǵarmaıdyń tógilý sebebinen boldy. Olar tirideı órtenip ketti, dep málim etti Aýǵanstan gýbernatorynyń baspasóz hatshysy Zaravara Zahıda.
Polıtsııa qyzmetkeriniń aldyn ala jasaǵan boljamy boıynsha, jol-kólik apaty avtobýs júrgizýshisiniń jyldamdyqty asyrýymen bolǵan.
Esterińizge sala keteıik, 2011 jyldyń jaz maýsymynda 25 adam Aýǵanstandaǵy basqa apattyń saldarynan ajal qushqan bolatyn. Qandaǵardan Kabýlǵa taýly jol arqyly bara jatqan adam toly avtobýs 40 metr bıiktikten qulap ketken edi.
