Aýǵanstanda 50-den astam adam laı kóshkininiń astynda qaldy
ASTANA. QazAqparat - Aýǵanstannyń soltústik-shyǵysyndaǵy Badahshan provıntsııasynda bolǵan kóshkin saldarynan 52 adam iz-túzsiz joǵaldy, olardyń qaza tabýy da ábden múmkin, dep habarlaıdy jergilikti bılik kózderi.
Bul týraly Bı-bı-sı jazady.
Hvahan aýdany basshysynyń aıtýynsha, laı kóshkininiń astynda qalǵandardyń arasynda 25 áıel men 22 bala bolǵan.
Badahshanda kóshkinder jıi bolyp turady. Ótken jyldyń mamyr aıynda bul provıntsııada kóshkin saldarynan 350-den astam adam qaza tapqan.
