Aýǵanstanda 33 jyl buryn iz-túzsiz joǵalǵan keńes armııasynyń jaýyngeri tabyldy
ASTANA. 5 naýryz. QazAqparat - 1980 jyly keńes áskeriniń quramynda Aýǵanstanǵa attanyp, iz-túzsiz joǵalyp ketken Bahretdın Hákimov osy eldiń Gerat provıntsııasynda tabyldy.
Osydan 33 jyl buryn Samarqand (Ózbekstan) qalasynyń týmasy B.Hákimov 101 motoatqyshtar polkyna alynyp, Aýǵanstanǵa attandyrylǵan bolatyn. Sol jerde bolǵan áskerı is-qımyl sharalary barysynda aýyr jaralanǵan. Alaıda jergilikti turǵyndar ony qutqaryp qaldy. Aýyldyń bir aqsaqaly B.Hákimovty emdep, ol halyqtyq medıtsınanyń arqasynda saýyǵady. Budan keıin keńes áskeriniń jaýyngeri Sheıh Abdýlla esimin ıemdenip, osy jerde qalyp qoıady. Shańyraq kóteredi. Alaıda balalary bolmaıdy. Birneshe jyl buryn onyń zaıyby kóz jumǵan. Qazirgi kezde B.Hákimov kóshpeli ómir saltyn ustanyp, ózin ajaldan aman alyp qalǵan aqsaqal sııaqty em-dommen aınalysady. B.Hákimov fotosýretterden burynǵy keńes áskeriniń iz-túzsiz joǵalyp ketkender tizimindegi eki jaýyngerin tanyp, olardy Aýǵanstanda kezdestirgenin aıtady.
