Aýǵanstanda 300-ge tarta janarmaı tasymaldaýshy kólik jarylyp, 60 adam zardap shekti

GERAT. QazAqparat - Aýǵanstanda benzın men dızeldik otyn áketip bara jatqan 300-ge tarta avtokólik jarylyp, 60 adam zardap shekti. Keltirilgen shyǵynnyń kólemi 50 mln dollarǵa baǵalanýda, dep habarlaıdy QazAqparat Reuters agenttigine silteme jasap.

Jergilikti bıliktiń málimdeýinshe, oqys oqıǵa Iran shekarasyna jaqyn mańda bolǵan. Benzın toly avtokóliktiń jarylýy saldarynan alapat órt shyqqan. 60-qa tarta adam zardap shegip, 17-i aýrýhanaǵa jetkizilgen. Áıtse de bul eń sońǵy derek emes.

Energııa taratatyn Da Afghanistan Breshna Sherkat kompanııasynyń ókili Vahıd Tavhıdıdiń atap ótýinshe, alapat órt elektr energııasynyń eki tireýin órtep, Irannan Aýǵanstannyń eń iri provıntsııalarynyń biri - Geratqa ımporttalatyn elektr jelisine zııanyn tıgizgen. Gerat jaryqsyz qalǵan. Gerattyń Saýda-ónerkásiptik palatasynyń basshysy ıÝnýs Kazızada órtten kelgen shyǵynnyń mólsheri 50 mln dollar ekenin aıtady.

Jergilikti bıliktiń ókilderi órt sóndirý jumysynda NATO-nyń «Batyl qoldaý» atty halyqaralyq mıssııasynan kómek surady. Al Iran oqıǵa ornyna 21 jedel járdem brıgadasy men 20 órt sóndirý qyzmetiniń kóligin jiberdi.