Aýǵanstanda 30 jylda alǵash ret rok-festıval ótti
ASTANA. 3 qazan. QazAqparat - Aýǵanstannyń astanasy - Kabýlda sońǵy 30 jylda tuńǵysh ret rok-festıval ótti, dep habarlady RBK.
Festıval alty saǵatqa sozyldy, oǵan Avstralııadan, Ózbekstannan, Qazaqstannan jáne Aýǵanstannan mýzykalyq toptar qatysty. Olar blıýz, def-metall, pank-rok, sondaı-aq ındo-mıýzık stılindegi kompozıtsııalardy oryndady. Sharany myńǵa tarta adam tamashalady. Olardyń kóbi buǵan deıin rok-mýzykanttardyń ónerlerin jandy daýyspen tyńdap kórmegen. Festıval kúsheıtilgen saqtyq sharalary jaǵdaıynda ótkizildi. Lańkestik qaýpimen onyń dál bolatyn ýaqyty men ótetin jeri de sońǵy sátke deıin qupııa ustalǵan.
