Aýǵanstanda 29 adam qar kóshkininiń qurbany boldy
ASTANA. QazAqparat - Aýǵanstannyń soltústik-shyǵysynda qar kóshkini saldarynan 29 adam qaza tapty. Shamamen osynsha adam habar-osharsyz ketkender tiziminde, dep jazady Bı-Bı-Sı.
Pandjsher provıntsııasynda birneshe kúnnen beri qar jaýýda, tolassyz jaýǵan qar joldardy basyp tastaǵan. Saldarynan qutqarýshylar taý mańyndaǵy zardap shekkenderge jete almaı otyr.
Jergilikti bılik qutqarýshylar kelgenshe joǵalǵandardy ózderi izdeýge tyrysýda.
