Aýǵanstan vıtse-prezıdenti Pákistan barlaý qyzmetin tálipterge qoldaý kórsetti dep aıyptaýda

«Táliptermen aradaǵy soǵys tek soltústikte ǵana emes, búkil elde júrgizilýde. Kez kelgen adam bizdiń jaýymyzdyń tasasynda kim turǵanyn jaqsy biledi», - deıdi ol. Sonymen qatar A.Dýstým el sodyrlardan tolyq azat etilmeıinshe Kabýlǵa oralmaıtyndyǵyn ashyq aıtýda. Ol Almar, Kaısar jáne Ghormah aýdandarynda tálipterge qarsy keń aýqymdy operatsııa júrgizýdi josparlaýda.

«Farıab ólkesi azat etilgennen keıin men Kabýlda Ulttyq qaýipsizdik keńesine óz baıandamamdy usynatyn bolamyn. Meniń kelesi josparym, eger, Qaýipsizdik keńesi men el prezıdenti maquldaıtyn bolsa, onda Kýndýz bolmaq. Biz Kýndýzdy tálipterden azat etkennen keıin odan ary Badahshanǵa qaraı baǵyt alatyn bolamyz», - dedi ol.

Munan bólek ol Pákistannyń syrtqy barlaý qyzmetine kúdikpen qaraıtyndyǵyn ashyq aıtty. «Bizdiń jaýlarymyz bir kúni «Ál-Kaıda», al kelesi kúni «Islam memleketi» týy astynda soǵysýda. Biraq, munyń tý syrtynda sodyrlarǵa qarjylaı qoldaý kórsetip otyrǵan Pákistannyń Vedomstvolaralyq barlaý qyzmetiniń generaldary tur», - deıdi Aýǵanstannyń vıtse-prezıdenti.