Aýǵanstan turǵyndary ash balalaryna tynyshtandyrǵysh dári berýge májbúr

ASTANA. QazAqparat - Aýǵanstandyqtar balalaryna ashtyq sezimin basý úshin tynyshtandyratyn preparattar berip, keıbiri kúnkóris úshin balasyn nemese dene múshesin satýǵa májbúr, dep habarlaıdy QazAqparat VVS jańalyqtaryna silteme jasap.

Bılikke tálipter kelip, shet elderden aqsha aǵyny toqtaǵan elde mıllıondaǵan adamǵa ashtyq qaýpi tónip tur.

Keı otbasylar ash balalaryn tynyshtandyrý úshin júıke aýrýlaryna taǵaıyndalatyn tabletkalar beredi.

Dárigerler bul preparattar durys tamaqtanbaǵan balanyń baýyryn zaqymdap, sozylmaly sharshaýdan bastap uıqynyń buzylýyna jáne minez-qulyq ózgeristeri sııaqty basqa da kóptegen problemalardy týdyrýy múmkin ekenin aıtady.
Alty balaly Gýlıam Hazrat bir jastaǵy balasyna da uıyqtatatyn dári beretinin aıtty.
Jergilikti dárihanada 10 afganıge (shamamen 10 AQSh tsenti) bes trankvılızator tabletkasyn alýǵa bolady. Al ol aqshaǵa nebári bir tilim nan tıedi.

Foto: www.bbc.com