Aýǵanstan, Tájikstan jáne Túrkimenstan prezıdentteri temirjol jaıly kelisti
ASTANA. 21 naýryz. QazAqparat - Aýǵanstan, Tájikstan jáne Túrkimenstan prezıdentteri Ashǵabatta bas qosyp, osy úsh eldi jalǵaıtyn jańa temirjol qurylysyn salý jaıly memorandýmǵa qol qoıdy.
Uzyndyǵy 400 shaqyrym bolatyn jańa temirjol aýǵannyń Akına-Andha, túrkimenniń Atamýrad-Ymamnazar jáne tájiktiń Pıandj jol bólikterin qosady.
Túrkimenstan qurylysty bıyl shilde aıynda bastap, joldyń aýǵandyq bóligin de tósep shyqpaq.
2011 jyldyń sońynda Aýǵanstannan Ózbekstanǵa 75 shaqyrymdyq temirjol jelisi tartylǵan edi.
Beısenbi kúni Aýǵanstan prezıdenti Hamıd Karzaı, Tájikstan prezıdenti Emomalı Rahmon, Iran prezıdenti Mahmýd Ahmadınejad, Pákistan prezıdenti Asıf Alı Zardarı tórteýi Ashǵabatta naýryz meıramyna baılanysty ótetin merekelik sharaǵa qatyspaq, dep habarlaıdy «Azattyq».
