Aýǵanstan tarapynan atylǵan oqtan Tájikstan azamatshasy qaza tapty
ASTANA. KAZINFORM — Jergilikti BAQ habarlaýynsha, Tájikstan Aýǵanstan bıligine respýblıkanyń áýe keńistiginiń buzylýyna, jergilikti turǵyn úılerge zaqym keltirilýine jáne Darvaz aýdanynda bir beıbit turǵynnyń qaza tabýyna baılanysty narazylyq notasyn joldady, dep habarlaıdy Kazinform agenttiginiń Dýshanbedegi menshikti tilshisi.
Oqıǵa 13 tamyzda shamamen saǵat 18:40–ta boldy. Jasmına ıAtımzoda sol kezde úıinde sharýasymen aınalysyp jatqan. Terezeden kirgen oq onyń baýyr tusyna tıgen.
Tájikstan prezıdenti baspasóz qyzmetiniń málimetinshe, 2026 jyldyń 14 tamyzynda tańerteń Emomalı Rahmon Darvoz aýdanynyń tóraǵasymen telefon arqyly sóılesti. Prezıdent áıeldiń otbasyna kóńil aıtty.
Prezıdent onyń otbasyna materıaldyq jáne moraldyq qoldaý kórsetýdi, sondaı-aq jas balasyn tárbıeleý protsesin baqylaýdy tapsyrdy. Tıisti organdar oqıǵaǵa qatysty tergeý amaldaryn bastady.
Aýǵanstannyń Badahshan provıntsııasynyń shekaralas aımaqtarynda, ásirese Tájikstannyń Darvaz oblysymen shekaralas aýdandarda sońǵy kúnderi bolǵan qarýly qaqtyǵystar respýblıkanyń shekaralas aýmaqtarynyń qaýipsizdigine qaýip tóndirip, halyqaralyq quqyq normalarynyń buzylýyna ákeldi.
Eske salsaq, 29 qańtarda bes aýǵan kontrabandashysy Tájikstan shekarasynan zańsyz ótti, onyń úsheýiniń kózi joıyldy.
