Aýǵanstan Soltústik Qazaqstannan astyq pen un satyp almaq

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov QR-daǵy Aýǵanstan Tótenshe jáne Ókiletti elshisi Muhammad Farhat Azımımen kezdesti, dep habarlaıdy QazAqparat tilshisi.

Óńir basshysynyń baspasóz qyzmetiniń aqparaty boıynsha, kezdesý barysynda taraptar ózara yntymaqtastyqty talqylaǵan. SQO Aýǵanstan elimen saýda-ekonomıkalyq qarym-qatynas ornatqan. Jarty jyldyń ishinde oblys 13 mln dollarlyq 60 myń tonna ónim jóneltti.

«Bizdiń oblys úshin Aýǵanstan eksport boıynsha basty seriktesimiz. SQO eksportynyń 28% Aýǵanstanǵa tıesili. Biz sizderge bıdaı jáne maıly daqyldardy, undy jáne ekologııalyq taza ónim - bıoetanoldy jetkizýge daıynbyz», — dedi Qumar Aqsaqalov.

Aýǵanstan elshisi memlekettik qorǵa soltústikqazaqstandyq bıdaı satyp alýǵa daıyn ekenin habarlady.

«Biz memlekettik qordy 4 jylǵa qamtamasyz etý úshin soltústikqazaqstandyq bıdaı alýǵa daıynbyz. Qazir bizdiń suranys jylyna 1,6 mln tonnany quraıdy. Memorandým jasaýǵa daıynbyz. Biz sizderge kókónis, jemis-jıdek jáne basqa da taýarlardy jetkize alamyz», — dedi elshi Muhammad Farhat Azımı.

Óńir basshysy Aýǵanstannan qysqy ýaqytta kókónis jetkizýdiń soltústik óńirdiń azyq-túlik qaýipsizdigin qamtamasyz etetinin atap ótti.

Olesıa Jýkoven