Aýǵanstan shyǵysynda ıslam memleketiniń 40-tan astam sodyrynyń kózi joıyldy
ASTANA. QazAqparat - Eldiń shyǵysynda Nangarhar provıntsııasynda aýǵan áskerıleriniń jer ústi jáne áýe operatsııalarynyń barysynda «Islam memleketi» terrorlyq tobynyń 41 sodyry óltirildi, dep habarlady sársenbide Khaama Press agenttigi.
Jergilikti bılik derekterine sáıkes operatsııany Aýǵanstan qarýly kúshteri júrgizdi. Provıntsııa gýbernatorynyń ákimshiliginde óltirligen sodyrlar arasynda toptyń jergilikti jetekshileriniń biri, sondaı-aq ulty naqtylanbaǵan birneshe sheteldik bar ekeni habarlandy.
Aýǵanstandaǵy jaǵdaı sońǵy aılary eleýli nasharlap ketti, dep atap ótedi RIA Novostı. Budan buryn eldiń aýyldyq jerlerindegi eleýli aımaqty basyp alǵan "Talıban" radıkaldyq qozǵalysy iri qalalarǵa shabýyldaı bastady jáne eldiń aýmaǵynda «Islam memleketi» radıkaldyq tobynyń yqpaly artty.
