Aýǵanstan Prezıdentine shet elderge saparlarynda delegatsııa quramynda 100-deı adam bolatyny úshin syn taǵyldy
ÁBÝ-DABI. QazAqparat - Aýǵanstan Parlamentiniń birneshe múshesi men azamattyq qoǵamynyń belsendileri el Prezıdenti Ashraf Ǵanı Ahmadzaıdy shetelge jasaǵan saparlary barysynda óziniń delegatsııasynyń quramyna júzden astam adamdy alatyny úshin synady.
Jekeleı alǵanda, olar aqparat quraldaryna Aýǵanstan kóshbasshysynyń Qytaıǵa taıaýda jasaǵan saparynyń barysynda aýǵan delegatsııasynyń toby 100-den astam adamnan turǵanyn habarlaǵan bolatyn. Ashraf Ǵanı Ahmadzaıdyń taıaýda Pákistanǵa jasaıtyn saparyna júzden astam aýǵan ókilderi qatysady.
Parlament depýtaty Raıhana Azad aýǵan delegatsııasy músheleriniń kóbi shetelge dúken aralap, kóńil kóterýge shyǵatynyn atap ótti. «Bul saparlarǵa barýy mańyzdy adamdar ǵana atsalysýy kerek», - dep atap ketti depýtat.
- «Paıdasy joq» tulǵalardyń saparǵa shyǵýy tıimdi bolyp tabylmaıdy, ol bıýdjetke júk túsiredi, - dep sanaıdy azamattyq belsendi Ahmad Saıdı.
Aýǵanstan Prezıdenti Ashraf Ǵanı Ahmadzaı qyzmetine 2014 jyldyń 29 qyrúıeginde kirisken. Óziniń ulyqtaý rásimindegi sózinde ol ulttyq birliktiń Úkimeti Aýǵanstannyń saıası jáne ekonomıkalyq júıeleriniń aýqymdy reformalaryn júrgizý úshin naqty sharalardy qolǵa alatynyn aıtqan edi.
«Men Aýǵanstannyń beıbitshiligi, ulttyq birligi, áleýmettik ádilettiligi, memlekettik basqarý men ekonomıkalyq damýdaǵy shynaıylyǵy úshin bar kúsh-jigerimdi salýǵa ýáde beremin. Barlyq artyq jáne tıimsiz jumys isteıtin memlekettik organdar aldaǵy ýaqytta qysqarady», - degen ol.
