Aýǵanstan prezıdenti tegin ózgertti
ASTANA. QazAqparat - Aýǵanstan prezıdenti Ashraf Ǵanı Ahmadzaı óziniń Ahmadzaı esiminen bas tartyp, endi Ashraf Ǵanı boldy, dep habarlaıdy Lenta.ru.
Sáıkestendirilgen nusqaýdy memleket basshysynyń keńsesi úkimettik mekemeler men BAQ-qa jiberdi, dep habarlady agenttikke prezıdenttiń baspasóz hatshysy Faıek Vaıahıdı. Ózgerister prezıdenttiń kýáligine de engizildi. Ahmadzaı - Aýǵanstandaǵy iri pýshtýn taıpalarynyń biri. Onyń kóptegen músheleri taıpanyń atyn óziniń shyǵý tegin kórsetý úshin esiminiń sońyna qosady.
Ashraf Ǵanı Ahmadzaı Aýǵanstandaǵy prezıdenttik saılaýda jeńiske jetti. Daýys berýdiń ekinshi kezeńi 14 maýsym kúni ótti. Oǵan saılaýshylardyń 56,44 paıyzy daýys bergen.
