Aýǵanstan prezıdenti saılaýy boıynsha saılaý ýchaskeleri ashyldy
ASTANA. QazAqparat - Aýǵanstanda senbi kúni tańerteń prezıdent saılaýynyń saılaý ýchaskeleri ashyldy, dep habarladvy RIA «Novostı».
Daýys berý 28 myńnan astam ýchaskelerde jergilikti ýaqyt boıynsha 7.00-de bastalyp, 16.00-ge deıin jalǵasýy tıis. Ondaǵy jaǵdaıǵa baılanysty ýchaskelerdiń jumys ýaqyty uzartylýy múmkin, dep habarlady Frans Press agenttigi.
Aýǵanstan azamattary eldi kóp jyl boıy basqaryp kelgen kóshbasshy Hamıd Karzaıdyń ornyn basatyn izbasar saılaýy qajet. Hamıd Karzaı eldi tálibter rejıminiń qulaǵan kezi 2001 jyldan beri basqaryp keledi jáne onyń úshinshi merzimge saılaýǵa túsýine quqyǵy joq. Jalpy alǵanda saılaýǵa degen kópshiliktiń nazary, sonymen birge, jańa prezıdentke eldi aǵymdaǵy jyldyń sońyna qaraı halyqaralyq koalıtsııanyń áskerin birjola elden shyǵarý qarsańyndaǵy kezeńde basqarý mindeti artylatyndyǵymen túsindiriledi. Jańa basshy eldegi derbes qaýipsizdikti qamtamasyz etý máselesin sheshetin bolady.
Osy saılaýda jeńisten úmitti úsh kandıdat bar - Rasýl Zalmaı, burynǵy qarjy mınıstri Ashraf Ǵanı men burynǵy syrtqy ister mınıstri Abdýlla Abdýlla. Eger senbi kúngi daýys berýden keıin kandıdattardyń eshqaısysy 50 paıyzdan artyq daýys jınamasa, onda 28 mamyrǵa josparlanǵan ekinshi kezeńi ótkiziledi.
Prezıdent saılaýymen birge, Aýǵanstanda senbi kúni bıliktiń jergilikti organdaryna da úmitkerlerdi saılaý ótedi.
