Aýǵanstan Prezıdenti otpen oınap otyr - NATO Bas hatshysy
ASTANA. QazAqparat - Aýǵanstan Prezıdenti Hamıd Karzaı AQSh-pen qaýipsizdik týraly kelisimge qol qoımaýy arqyly otpen oınap otyr. Bul týraly NATO-nyń Bas hatshysy Anders Fog Rasmýssen málim etti, dep jazady Bı-Bı-Sı.
Alıans basshysy Karzaıdyń jaqyndaǵy NATO-ǵa qatysty synı málimdemesine ókpeli eken. «Gıldmend provıntsııasyna brıtandyq sarbaz aıaǵyn baspasa, onda bul óńir aman-esen bolar edi», - dep aıtqan bolatyn Aýǵanstan Prezıdenti. NATO Bas hatshysy sáýirde saılanatyn Aýǵanstannyń jańa Prezıdenti atalǵan kelisimge qol qoıady dep senim artyp otyr. Bul qujatta 2014 jyldan keıin osy elde amerıkalyq jaýyngerlerdiń tobyn qaldyrýǵa qatysty quqyqtyq negiz qarastyrylǵan. Rasmýssen óz sózinde qaýipsizdik týraly kelisimnen bas tartý saldarynan Aýǵanstanǵa halyqaralyq qarjy uıymdary tarapynan kómek kórsetý mindettemesi toqtatylýy múmkin ekenin aıtýda.
