Aýǵanstan Prezıdenti Hamıd Karzaı tálibterdi taǵy da beıbitshilikke úndedi
ASTANA. Aqpannyń 1-i. QazAqparat - Aýǵanstan Prezıdenti Hamıd Karzaı kezekti málimdemesinde, tálibterdi taǵy da beıbitshilikke, zorlyq-zombylyqtan bas tartyp, qarýlaryn tastaýǵa jáne el bıligimen bitimge kelýge shaqyrdy.
Bul týraly Karzaı Kabýlde jeksenbi kúni bolǵan baspasóz máslıhatynda málim etti, dep habarlaıdy ITAR-TASS agenttigi.
«Biz, aýǵandyqtar retinde, elimizge tynyshtyq jáne qaýipsizdik ákelý úshin, qolymyzdan kelgenniń bárin atqaryp jatyrmyz», dedi ol baspasóz máslıhatynda.
Karzaıdyń bul málimdemesi, osynyń aldynda Londonda ótken Aýǵanstan boıynsha halyqaralyq konferentsııada oǵan qatysýshylar, sodyrlardy beıbit tirshilikke qaıtarý jónindegi aýǵan úkimetiniń josparyna qarjylaı qoldaý kórsetýge ýáde bergennen keıin jasalyp otyr.
