Aýǵanstan Pákistanǵa qarsy áskerı operatsııa bastaǵanyn málimdedi

ASTANA. KAZINFORM – Aýǵanstanda bılik júrgizip otyrǵan «Talıban» qozǵalysynyń ókilderi Pákistanǵa qarsy keń aýqymdy shabýyl operatsııasy bastalǵanyn málimdedi, dep habarlaıdy Euronews.

Aýǵan tarapynyń áskerı jáne úkimettik sheneýnikteriniń aıtýynsha, qazirgi ýaqytta Pákistannyń shekara mańyndaǵy blokbeketterine shabýyl jasalyp jatyr. 15 beket baqylaýǵa alynǵan, aýǵan jaǵynan shyǵyn joq.

Ázirge Pákistan bıligi bul aqparatqa qatysty resmı túsinikteme bergen joq.

Kabýl operatsııa Pákistannyń jeksenbige qaraǵan túni Aýǵanstannyń Nangarhar jáne Paktıka provıntsııalaryna jasaǵan áýe soqqylaryna jaýap ekenin málimdedi.

BUU-nyń Aýǵanstandaǵy mıssııasynyń derekterine sáıkes, áýe shabýyldary saldarynan keminde 13 beıbit turǵyn qaza tapqan. Aýǵan bıligi 18 adamnyń kóz jumǵanyn habarlady.

Al Pákistan tarapy áýe soqqylary nátıjesinde 80-nen astam qarýly sodyr joıylǵanyn málimdegen. Islamabad bul soqqylardy el aýmaǵynda jankeshtiler jasaǵan birqatar teraktilerge jaýap dep atady.

Pákistan bıligi «Talıbandy» sodyrlar men terrorısterdiń óz aýmaǵynan Pákistanǵa ótýine tosqaýyl qoımaı otyr dep aıyptaıdy. Aýǵan tarapy bul aıyptaýlardy joqqa shyǵaryp keledi.

Aıta keteıik, Pákistanda qarýly shabýyl saldarynan 7 adam mert boldy.