Aýǵanstan Ortalyq Azııanyń ekonomıkalyq jobalaryna qosyla ma
ASTANA. KAZINFORM — Ortalyq Azııa elderiniń Aýǵanstan jónindegi arnaıy ókilderiniń Óńirlik baılanys tobynyń ekinshi otyrysy ótti. Otyrys barysynda Qazaqstan Aýǵanstan baǵytyndaǵy óńirlik ózara is-qımyldy nyǵaıtýdy qoldady.
Іs-sharaǵa Syrtqy ister mınıstrliginiń Erekshe tapsyrmalar jónindegi Elshisi Erjan Qystafın qatysty.
Otyrys barysynda qazaqstandyq tarap Aýǵanstanda beıbitshilik pen qaýipsizdikti qamtamasyz etýge jáne ornyqty damýǵa járdemdesý maqsatynda Ortalyq Azııa memleketteriniń kúsh-jigerin odan ári biriktirýdiń mańyzdylyǵyn atap ótti.
— Aýǵanstanmen saýda-ekonomıkalyq, kólik-logıstıkalyq jáne gýmanıtarlyq yntymaqtastyqty keńeıtý máselelerine erekshe nazar aýdaryldy. Osy turǵyda ózara tıimdi ekonomıkalyq baılanystardy damytý, kólik qatynasyn nyǵaıtý jáne Aýǵanstandy óńirlik ekonomıkalyq protsesterge tartýǵa yqpal etetin birlesken óńirlik jobalardy iske asyrýdyń mańyzdylyǵy atap ótildi, — delingen vedomstvo habarlamasynda.
Іs-shara barysynda óńirlik qaýipsizdiktiń ózekti máseleleri de talqylandy.
Otyrys qorytyndysy boıynsha qatysýshylar Ortalyq Azııanyń ornyqty damýyn qamtamasyz etý maqsatynda kópjaqty yntymaqtastyqty odan ári damytýǵa beıildiligin rastady.
Buǵan deıin Qazaqstan dári-dármegi Aýǵanstan naryǵyna shyǵýy múmkin ekenin jazǵanbyz.
