Aýǵanstan mınıstri qyzmetine kandıdatty Interpol izdestirýde
ASTANA. QazAqparat - Memleket basshysy kandıdatýrasyn Aýǵanstannyń aýyl sharýashylyǵy mınıstri qyzmetine usynǵan Mohammed ıAkýb Haıdarı Interpol izdep júrgen adamdardyń tiziminde júr, dep habarlaıdy Bı-bı-sı.
Prezıdent Haıdarı ómirbaıanynyń bul ereksheliginen týraly habarsyz boldy, dedi ákimshilik ókili.
Haıdarı halyqaralyq izdeýge 2010 jyly Estonııa eliniń ótinishimen berildi. Onda oǵan salyq tóleýden jaltarý aıyby taǵylýda.
Ol bul tizimge dushpandarynyń timiskilik áreketteri saldarynan engenin, al is júzinde shamamen 18 mıllıon Estonııa krondaryn kezinde Estonııada onyń ıeliginde bolǵan Rapla Dairy zaýytynyń jańa ıeleri tólemegenin aıtady. Haıdarı zaýytty 2003 jyly satyp jibergenin aıtty. «Bıznes pen saıasat álemine kirgen kezde, mundaı jaǵdaılarǵa tap bolasyń», - dep málimdedi ol.
Rapla Dairy zaýytynyń tórt menedjeri 2003 jyldyń sońynda Tallın qalalyq sotymen iri aıyppuldar tóleý jazasyna kesildi.
52 jastaǵy Haıdarı kezinde KSRO-nyń áskerı ýchılışesin támamdaǵan, Aýǵanstannan 1992 jyly modjahedterdiń prezıdent Nadjıbýllany qulatýynan keıin ketken. 2003 jylǵa deıin Estonııada bıznespen aınalysqan.
