Aýǵanstan men Rýandadan ken úlgileri jetkizilip, zerttelip jatyr – Iran Sharhan
ASTANA. KAZINFORM – Aýǵanstan men Rýanda ken oryndarynan úlgileri jetkizilip, elimizde zerttelip jatyr. Bul týraly Ónerkásip jáne qurylys vıtse-mınıstri Iran Sharhan aıtty.
- Bul elderdiń úlken áleýeti bar. Qazirgi ýaqytta quqyqtyq, normatıvtik bazalalaryn zerdeleý, geologııalyq áleýetin naqtylaý bóliginde úlken jumys istelinip jatyr. Ken oryndarynan qajetti úlgileri alyndy. Qazir zerthanalyq zertteý júrgizilýde. Paıdaly qazbalalar úlgileri – bul bazalyq metaldar, onyń ishinde sırek metaldar men sırek jer metaldary. Degenmen, biz zerthanalyq jumys nátıjesin kútýimiz qajet, - dedi ol elordada ótip jatqan GECA 2026 halyqarlyq geologııalyq forýmy aıasynda agenttik tilshisiniń saýalyna oraı.
Vıtse-mınıstr zerthanalyq zertteý nátıjelerinde atalǵan elderdiń geologııalyq áleýeti naqtylanǵan jaǵdaıda tolyqqandy aqparat beriledi.
- Saraptama «Taý-Ken Samuryq», sonymen qatar Qaraǵanda oblysyndaǵy zerthanalar bazasynda júrgizilip jatyr, - dedi Iran Sharhan.
Buǵan deıin «Samuryq-Qazyna» AQ basqarma tóraǵasy Nurlan Jaqypov «Taý-Ken Samuryq» kompanııasy Rýanda men Aýǵanstan aýmaqtarynda sırek jáne sırek jer metaldary boıynsha geologııalyq barlaý jumystaryn bastaǵanyn aıtqan edi.
