Aýǵanstan men Pákistan Ramazan aıynyń aıaqtalýyna baılanysty ýaqytsha bitim jarııalady
ASTANA. KAZINFORM - Pákistan men Aýǵanstan arasyndaǵy áskerı qaqtyǵys birneshe kúnge toqtatylady. Bul týraly eki taraptyń ókilderi málimdedi, dep jazady BBC.
Alǵash bolyp áskerı operatsııany toqtatý týraly Pákistan bıligi habarlady. Keıin osyǵan uqsas málimdemeni Aýǵanstandaǵy tálipter de jasady.
Bul týraly Reuters agenttigi taraptardyń áleýmettik jelidegi resmı paraqshalaryna silteme jasap jazdy.
Birneshe kúnge sozylatyn bitim musylmandar úshin qasıetti Ramazan aıynyń aıaqtalýyna jáne Oraza aıt merekesine oraı jarııalanyp otyr.
Pákistan bıliginiń ókili naqtylaǵandaı, ýaqytsha bitim jarııalaý týraly talapty soǵysýshy elderge Túrkııa, Saýd Arabııasy jáne Katar bıligi qoıǵan.
Aýǵanstan men Pákistan arasyndaǵy qaqtyǵys aqpan aıynyń sońynda ýshyǵyp, Pákistan «ashyq soǵys» jarııalaǵan edi.
