Aýǵanstan men Pákistan atysty tez arada toqtatý týraly kelisimge keldi
ASTANA. KAZINFORM – Taraptar Kabýl men Islamabad arasynda beıbitshilik ornatyp, turaqtylyqty nyǵaıtý maqsatynda arnaıy mehanızmder qurý jóninde de kelisimge kele aldy, dep jazdy TASS.
Aýǵanstan men Pákistan ókilderi 18 qazanda Dohada Katar men Túrkııanyń araǵaıyndyǵymen ótken kelissózder aıasynda shekaradaǵy atysty dereý toqtatý týraly ýaǵdalasty.
— Kelissóz raýndy barysynda taraptar atysty dereý toqtatý jáne eki el arasynda beıbitshilik ornatý men turaqtylyqty nyǵaıtýǵa baǵyttalǵan mehanızmder qurý jóninde kelisimge keldi, — delingen Katar SІM-niń X (burynǵy Twitter) áleýmettik jelisindegi paraqshasynda jarııalanǵan málimdemede.
Eske sala ketsek, buǵan deıin Pákistan Dohada Aýǵanstanmen kelissóz júrgizýge nıetti ekenin málimdegen.
Al oǵan deıin eki tarap atysty 48 saǵatqa toqtatýǵa kelisken.
