Aýǵanstan: Qonaqúıdegi shabýylǵa arnaıy qyzmetter qatysty bolýy múmkin
ASTANA. QazAqparat - Aýǵanstan bıliginiń málimdeýinshe, jaqynda Kabýldaǵy qonaqúıge jasalǵan shabýyldyń artynda halyqaralyq arnaıy qyzmetter tur. Esterińizge sala keteıik, osy oqıǵa saldarynan 9 adam qaza boldy.
VVS-diń jazýynsha, osy málimdemede shabýylǵa pákistandyq vedomstvoaralyq barlaý qyzmetiniń qatystylyǵyn bildiredi.
Aýǵanstan qaýipsizdik keńesiniń habarlamasyna qaraǵanda, Kabýldaǵy osy qantógistiń aldynda pákistandyq dıplomat qonaqúı dálizderin fotosýretke túsirip jatqany baıqalǵan.
Juma kúni tórt jasóspirim qonaqúıdegi meıramhanaǵa kelgen adamdarǵa oq atyp, toǵyz adamdy óltirgen edi. Olardyń ishinde Frans press tilshisi men onyń zaıyby jáne eki balasy mert boldy. Osy oqıǵa barysynda shabýyl jasaǵandar da oqqa ushty.
Kabýldyń osy málimdemesine Pákistan tarapy ázirge túsnikteme bergen joq.
