Aýǵanstan, Qazaqstan jáne Túrikmenstan Gerat provıntsııasynda logıstıkalyq hab qurýdy josparlap otyr
ASTANA. KAZINFORM – Aýǵanstan Qazaqstan jáne Túrikmenstan aımaqtyq saýdany damytý maqsatynda Aýǵanstannyń Gerat provıntsııasynda iri logıstıkalyq hab salý týraly kelisimge keldi, dep habarlaıdy reseılik TASS agenttigi.
Bul týraly «Talıban» ýaqytsha úkimetiniń ónerkásip jáne saýda mınıstriniń mindetin atqarýshy Nýrýddın Azızı Reuters agenttigine bergen suhbatynda aıtty.
Eki aıdan keıin taraptar tıisti kelisimniń jobasyn daıyndaıdy.
-Gerat provıntsııasynda Aýǵanstan, Qazaqstan jáne Túrikmenstan ınvestıtsııalaryna Soltústik-Ońtústik Azııa dálizi saýda baǵyttarynyń qıylysynda logıstıkalyq hab salynady, - dedi Azızı.
Ol sondaı-aq Aýǵanstannyń batysyndaǵy ortalyq arqyly Reseı Pákistanǵa jáne basqa da Ońtústik Azııa elderine munaı jetkize alatynyn atap ótti.
Onyń aıtýynsha, Gerat kólik toraby arqyly kómirsýtegi shıkizatynyń bastapqy jyldyq aınalymy 1 mıllıon tonnaǵa jetýi múmkin.
Azızı Aýǵanstannyń Qytaımen de eki el arasynda bıik taýly Vahan dálizi arqyly saýda tasymaly jolyn qurý týraly kelissózder júrgizgenin aıtyp, bul joldyń Qytaı taýarlaryn Aýǵanstan jeri arqyly Iranǵa tasymaldaý úshin paıdalanylýy múmkin ekenin meńzedi.
